ᐱᓕᕆᐊᖑᔪᖅ ᑐᕌᖅᑐᖅ ᐊᑐᖅᑕᐅᔪᓐᓇᕐᓗᑎᒃ ᐃᓄᐃᑦ ᐊᒻᒪᓗ ᒍᐃᑦᓯᓐ ᓄᑕᖃᓄᑦ ᑎᑎᕋᕆᐅᖅᓴᓂᖅ ᐅᖃᕆᐅᖅᓴᓂᖅ ᑕᒪᐅᓐᓇ ᐊᐅᓪᓗᑎᓗᒋᑦ ᐅᖃᓪᓚᒋᐅᖅᓴᖅᑎᑕᐅᓗᑎᒃ ᑐᓵᑎᑕᐅᖃᑦᑕᕐᓗᑎᒃ.
ᒪᐃ 2025 – ᐋᑐᕚ, ᐋᓐᑎᐅᕆᐅ
ᐅᓇ ᑲᒥᓯᓇ ᖁᕕᐊᓱᒍᑎᖃᖅᑐᖅ ᐊᒻᒪᓗ ᐊᖏᒡᓕᒋᐊᖅᑎᑦᑎᔪᖅ ᑐᑭᓯᓇᓱᖃᑎᒌᒍᑕᐅᓯᒪᔪᑦ ᐅᖃᐅᓯᓕᕆᓂᕐᒥ ᐊᔪᖏᑦᑎᐊᖅᑐᑎᒍᑦ ᐊᒻᒪᓗ ᐱᓕᕆᖃᑎᒋᓪᓗᒋᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᐅᖃᕆᐅᖅᓴᓂᖅ ᐊᑐᖅᑕᐅᓂᐊᕐᒪᑕ ᐱᓕᕆᐊᖑᕗᖅ, ᐅᖃᐅᓯᖅᐳᑦ ᑐᓵᓗᒍ. ᐅᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐃᓐᕼᐃᐱᑦ ᑐᓴᒐᒃᓴᓕᕆᔨᒃᑯᑦ, ᐊᒻᒪᓗ ᓄᓇᑦᓯᐊᕐᒥ ᐅᖃᐅᓯᓕᕆᓂᕐᒥᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᑦ, ᐊᒻᒪᓗ ᓄᓇᕗᒻᒥ ᐅᖃᐅᓯᕐᓂᒃ ᒪᕐᕉᖕᓂᒃ ᐃᓕᓐᓂᐊᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᓴᓇᖃᑎᒌᖕᓂᐊᖅᑐᑦ ᑕᒪᑐᒧᖓ ᐱᒻᒪᕆᐅᔪᒧᑦ ᐅᖃᐅᓯᕐᒥᒃ ᐆᒻᒪᕆᐊᖅᑎᑦᑎᓂᖅ ᐃᖏᕐᕋᓯᑎᑕᐅᓯᒪᔪᖅ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ.
ᐅᓇ ᐱᓕᕆᐊᖑᔪᖅ, ᐅᖃᐅᓯᖅᐳᑦ ᑐᓵᓗᒍ, ᑐᕌᖅᑐᖅ ᓴᖕᖏᒃᑎᒋᐊᖁᓪᓗᒋ ᐃᓕᓐᓂᐊᓕᓵᖅᑐᓄᑦ ᑎᑎᕋᕆᐅᖅᓴᓂᖅ ᐅᖃᕆᐅᖅᓴᓂᖅ ᐃᓄᒃᑐᑦ ᐊᒻᒪᓗ ᒍᐃᑦᓯᓐ ᐅᖃᐅᓯᕐᓂᒃ. ᐅᓇ ᐱᓕᕆᐊᖑᔪᖅ ᐱᓕᕆᖃᑎᖃᖅᖢᑎᒃ ᓴᕿᑦᑎᓂᐊᖅᑐᑦ ᑐᓂᐅᖃᐅᑎᒋᓪᓗᒋᑦ ᐃᑲᔫᑎᒃᓴᓂᒃ ᐊᒻᒪᓗ ᑐᓂᐅᖃᐅᑎᒋᓗᒋᑦ ᑭᓐᑐᑳᑕᓐ ᐃᓕᓐᓂᐊᓕᓵᖅᑐᑯᓗᖕᓄᑦ ᐃᓕᓐᓂᐊᕐᕕᖏᓐᓄᑦ ᐅᑭᐅᖅᑕᖅᑐᐊᓄᑦ ᑲᓇᑕ, ᑕᐃᑲᓂ ᐊᑐᖅᑕᐅᓂᐊᖅᑐ ᐃᓄᖕᓂᑦ ᓄᑕᖃᓂᑦ ᕿᑭᖅᑕᓂ ᓄᓇᖓᓐᓂ, ᓄᓇᕗᑦ, ᐊᒻᒪᓗ ᒍᐃᑦᓯᓐ ᓄᑕᕋᖏᓐᓄᑦ ᑐᒃᑑᔮᖅᑐᖅ ᓄᓇᖓᓂ, ᓄᓇᑦᓯᐊᖅ.
“ᐅᑯᐊ ᒍᐃᑦᓯᓐ ᐅᖃᐅᓯᖏᑦ ᐊᑐᖅᑕᐅᔪᑐᐊᑦ ᐱᐅᓯᕐᒥᖕᓄᑦ, ᑭᒃᑰᓂᕐᒥᖕᓄᑦ, ᐊᒻᒪᓗ ᐃᒻᒪᑲᓪᓚᕕᓂᑐᖃᖅ. ᑕᒪᐅᓇ ᓄᑖᖅ ᐃᖏᕐᕋᓯᑎᑕᐅᔪᖅ ᐊᐅᓚᑕᐅᓂᐊᖅᑐᖅ ᓄᓇᑦᓯᐊᕐᒥ ᐅᖃᐅᓯᓕᕆᓂᕐᒥᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᑦ ᐱᓕᕆᖃᑎᒋᓗᒋᑦ, ᐃᓐᕼᐃᐱᑦ ᑐᓴᒐᒃᓴᓕᕆᔨᒃᑯᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᓄᓇᕗᒻᒥ ᐅᖃᐅᓯᕐᓂᒃ ᒪᕐᕉᖕᓂᒃ ᐃᓕᓐᓂᐊᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᐅᐱᒍᓱᒃᐳᒍᑦ ᓴᕿᑦᑎᓂᐊᕋᑦᑕ ᒍᐃᑦᓯᓐ Yoto ᐅᖃᕆᐅᖅᓴᐅᑎᑦ ᐴᖃᖅᑐᑦ ᓴᓇᔭᐅᓯᒪᔪᖅ – ᓂᐱᖃᖅᑐᑦ – ᐃᑲᔫᑎᖏᑦ ᐱᐅᓯᕚᓪᓕᖅᑐᑦ ᐋᕿᑦᑎᐊᒃᑲᓐᓂᖅᑐᑦ ᐅᓂᒃᑳᓂᒃ ᐆᒻᒪᖅᑎᑦᑎᓂᖅ ᒪᒃᑯᒃᑐᓄᑦ ᐃᓕᓐᓂᐊᖅᑎᑕᑯᓗᑦᑎᓐᓄᑦ. ᐅᓇ ᓴᓇᔭᐅᓂᖓ ᐱᕈᖅᑎᑕᐅᕙᓪᓕᐊᖏᓐᓇᖅᑐᖅ ᓄᑕᕋᐅᓗᐊᖅᑐᓂᑦ ᑎᑎᕋᕆᐅᖅᓴᐅᑎᑦ ᐅᖃᓕᒫᕇᐅᖅᓴᐅᑎᑦ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᓐᓂᒃ, ᑭᓯᐊᓂ ᖃᐅᔨᒪᑦᑎᐊᕐᓂᐊᖅᐳᓯᑦᑕᐅᖅ ᐃᓚᒌᓄᑦ ᐊᑭᖃᓐᖏᑦᑐᖅ, ᐱᐅᓯᖏᓐᓂᒃ ᐊᑕᑎᑦᑎᔪᖅ ᑐᓐᖓᑎᑦᑎᕕᐅᔪᖅ ᐊᑐᖅᑕᐅᓂᐊᕐᒥᖕᒪᑕ ᐱᐅᔫᓂᐊᕐᒥᖕᒪᑕ ᒍᐃᑦᓯᓐ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᑦ.”
– ᑕᕕᓐ ᐅᓛᐳᑦᔅ, ᓄᓇᑦᓯᐊᕐᒥ ᐅᖃᐅᓯᓕᕆᓂᕐᒥᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᑦ
“ᓄᓇᖅᑲᖅᑳᖅᓯᒪᔪᑦ ᑕᐃᒪᖓᓕᒫᖅ ᓄᑖᓂᒃ ᐱᔭᕆᐅᑦᑎᐊᕋᓱᐃᓐᓇᓲᑦ ᐱᒋᐊᕈᑎᖏᑦ ᓴᐳᒻᒥᓗᑎᒃ, ᐱᕈᖅᐸᓪᓕᐊᑎᑦᑎᓗᑎᒃ ᐊᒻᒪᓗ ᐊᑐᖅᑕᐅᑎᑦᑎᓗᑎᒃ ᐅᖃᐅᓯᖕᒥᖕᓂᒃ. ᐅᓇ ᑲᒥᓴᓐ ᐊᖏᖅᓯᒪᑦᑎᐊᕋᒥ ᐃᑲᔪᕆᐊᒃᓴᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᐅᖃᐅᓯᕐᒥᒃ ᐆᒻᒪᕆᐊᖅᑎᑦᑎᔾᔪᑎᖃᕐᓂᖅ ᐊᒻᒪᓗ ᐊᖏᒡᓕᒋᐊᕐᓗᒋᑦ ᐅᓄᖅᓯᒋᐊᕐᓗᒋᑦ ᓂᐱᖏᑦ ᐅᖃᐅᓯᕐᒥᒍᑦ ᐊᔪᖏᑦᑎᐊᖅᑐᑦ ᐊᒻᒪᓗ ᐃᑲᔪᖅᑎᒻᒪᕇᑦ ᐱᒋᐊᓂᓕᒫᖏᓐᓂᑦ ᐃᓄᐃᑦ. ᐃᓕᓴᕆᔭᐅᖁᔭᕗᑦ ᖁᔭᓐᓇᒦᒻᒪᕆᐋᓗᒃ ᐱᓕᕆᐊᖏᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐃᓐᕼᐃᐱᑦ ᑐᓴᒐᒃᓴᓕᕆᔨᒃᑯᑦ, ᐊᒻᒪᓗ ᓄᓇᑦᓯᐊᕐᒥ ᐅᖃᐅᓯᓕᕆᓂᕐᒥᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᑦ, ᐊᒻᒪᓗ ᓄᓇᕗᒻᒥ ᐅᖃᐅᓯᕐᓂᒃ ᒪᕐᕉᖕᓂᒃ ᐃᓕᓐᓂᐊᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᐃᖅᑲᓇᐃᔮᖏᑦ ᓴᖕᖏᒃᑎᑦᑎᓯᒪᖕᒪᑕ ᓄᑕᖃᑦ ᐅᖃᕆᐅᕈᓐᓇᖅᓯᓗᑎᒃ ᑎᑎᕋᕆᐅᕐᓗᑎᒃ ᐅᖃᐅᓯᕐᒥᖕᑎᑐᑦ ᑕᒪᐅᓐᓇ ᐅᖃᐅᓯᖅᐳᑦ ᑐᓵᓗᒍ.”
– ᑲᒥᓯᓇ ᐅᓛᓄᑦ E. ᐃᖕᓇᓯ
ᒪᓕᑦᑎᐊᖅᑐᑦ ᑲᒥᓯᓇᒃᑯᑦ ᑎᓕᔭᐅᓯᒪᔾᔪᑎᖏᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᓕᕆᓂᕐᒧᑦ ᐱᖁᔭᕐᔪᐊᖅ, ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ, ᑲᒥᓴᓐ ᖃᑭᔾᔪᑎᒃᓴᓕᐅᓚᐅᖅᐳᖅ ᐅᓄᓗᐊᓐᖏᑦᑐᓂᒃ ᓄᑖᓄᑦ ᐱᓕᕆᔾᔪᑕᐅᓕᖅᑐᑎᒍᑦ ᐱᓕᕆᐊᒃᓴᓄᑦ, ᐱᑕᖃᕈᓂ ᑭᓯᐊᓂ ᑮᓇᐅᔭᖅᑑᑎᒃᓴᕐᒥ. ᐅᑯᐊ ᓴᓇᔭᐅᔪᑦ ᐊᐅᓪᓗᑎᓂᐊᓚᐅᖅᑐᑦ ᓄᑖᓂᒃ ᐋᕿᒃᓯᔾᔪᑎᒃᓴᓂᒃ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᐃᓂᖃᖅᑎᑕᐅᓗᑎᒃ ᐊᒻᒪᓗ/ᐅᕝᕙᓘᓐᓃᑦ ᐊᖏᔪᒥᒃ ᐱᐅᓯᕚᓪᓕᖅᑎᓪᓗᒋᑦ ᒫᓐᓇᐅᔪᖅ ᐃᖏᕐᕋᓯᑎᑕᐅᓯᒪᔪᑦ ᐊᑐᖅᑕᐅᓂᐊᕐᒪᑕ ᑐᑭᖃᖅᑐᓂᒃ ᐊᓯᖑᕈᑎᒋᓗᒋᑦ. ᓇᓗᓇᐃᔭᑦᑎᐊᖅᓯᒪᔪᑦ ᐱᔪᒪᒍᕕᒋᑦ ᐱᔾᔪᑎᒋᓪᓗᒍ Yoto ᐅᖃᕆᐅᖅᓴᐅᑎᑦ ᐴᖃᖅᑐᑦ ᓴᓇᔭᐅᓯᒪᔪᖅ (ᐅᖃᐅᓯᖅᐳᑦ ᑐᓵᓗᒍ) ᐊᒻᒪᓗ ᐊᑐᓕᖅᑎᑕᐅᔾᔪᑎᖓ, ᐊᑏ ᐅᖃᕐᕕᒋᓗᒍ ᐅᓇ:
ᑭᐅᓚᓐ ᕙᓚᐅᕋᑎ, ᑐᑭᒧᐊᒃᑎᖓ ᑐᓴᐅᑎᓕᕆᔨᒃᑯᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
ᐃᓕᑦᑎᒃᑲᓐᓂᕈᓐᓇᖅᑐᑎᑦ ᑲᒥᓴᒃᑯᓐᓂᒃ ᐅᓇ ᐅᖃᕐᕕᒋᓗᒍ:
ᐋᔅᓕ ᑮᐊᐃᔅ, ᐊᐅᓚᑦᓯᔨ, ᐊᑐᐊᒐᓕᕆᓂᖅ ᐊᒻᒪᓗ ᑐᓴᐅᑎᓕᕆᓂᖅ
general.inquiries@ocil-ila.ca.
ᐃᓕᑦᑎᒃᑲᓐᓂᕈᓐᓇᖅᑐᑎᑦ ᐅᖃᐅᓯᖅᐳᑦ ᑐᓵᓗᒍ ᐱᓕᕆᐊᖏᓐᓂᒃ: <insert link>
ᐃᓕᑦᑎᒃᑲᓐᓂᕈᓐᓇᖅᑐᑎᑦ ᑲᒥᓴᒃᑯᑦ ᐃᑲᔫᑎᖏᑦ ᓄᑖᓄᑦ ᐱᓕᕆᔾᔪᑕᐅᓕᖅᑐᑎᒍᑦ ᐱᓕᕆᐊᖏᓐᓂᒃ: < ᓄᑖᑦ ᐱᓕᕆᔾᔪᑕᐅᓕᖅᑐᑦ – ᑎᑎᕋᕐᕕᖓ ᑲᒥᓯᓇ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᓐᓄᑦ>
11-14 août 2025 | Ottawa Canada
